剛過去既 memorial day weekend, 我地終於搬家 lu 之前住既地方雖然好寧靜, 又有花花草草松鼠兔仔, 不過因為係 suburb area, 對於未識揸車 + 仍然懷念香港o個種方便就腳既我,始終係 …於是 2月底我地就開始搵屋啦, 目標就係 downtown area

 

經過2個多星期既努力, 最後終於比我地搵到依家間屋, 今日已經係我地搬入黎既第 5 日, 我同小士*都好滿意 

 

不 過係米國搬屋真係好痛苦既一件事, 除左執拾細軟外, check out 前, 仲要清潔好全屋, 更換好 fixtures (e.g. 燈泡, 爐頭 drip pans, etc.) 唔似係香港咁, 只要搬走傢俬同私人物品就得; 又要做清潔女工又要 pack 野, 真係好忙

 

* 搬屋工人真係好專業 + 力大無窮, 一個人可以抬起成張床/ coffee table

* 小士*都好利害, 一個人一個下午砌好成張餐枱 + 4 張餐椅 

* 忙住搬屋既同時, 我地都去左一年一度既 “熱狗節” 食食食, 盡吓棉力幫手籌款

* 係新屋頭幾日, 未有 cable 無得上網無得睇電視, 於是煲晒套日劇 “華麗一族“, 好耐無睇過木村拓哉, 佢 d 演技都係…em…一號表情二號表情囉, 其他配角 (尤其是父親: 北大路 欣也, 情婦: 鈴木京香) 反而做得唔錯

  

 
 

 

 

 

 

今日係歐冠盃決賽既大日子, 小士*攞埋 sick leave, 中午即刻撲番屋企睇 liverpool vs AC milan…結果利物浦輸 1:2 身為利記既 super fans ~ 小士*乜野 mood 都無晒, 之後夜晚出街食飯都無喱心機 + 面黑黑, 有金髮靚女搭訕亦不屑一顧, 非常大蹝

 

話 說傍晚揸車上 highway 前, 馬路中間竟然有一堆類似錄音帶磁帶既東西在飛黎飛去, 到我地架車駛過後, 其中一條磁帶就 kick 在右邊倒後鏡, 小士* 即 order 我著手解決了它…點知, 我鬆開該條帶後, 佢就順住風勢飛左上車頂, 轉為 kick 住條天線. 我地兩人心諗都無辦法啦, 唔通係大馬路停車咩, 唯有由佢當睇唔到 

就係呢個時候, 隔離線既車窗校低, 一位貌似 Helen Hunt 既好心金髮女郎探頭出來, 笑笑口問小士*,知唔知有條帶在我地車頂, 仲講笑問係咪故意既, 整到好似旗幟咁係風中飛揚, “ it's kinda cool ” 云云.誰知這位笑容甜美既女孩今日唔好彩, 撞著我地心情欠佳既車主, 冷冷回一句 “we already knew it” 即刻轉往公路, 一 d 都唔 friendly

 

sigh…球迷果然唔好惹,尤其係撞著輸波既日子 

 

 

一向奉公守法的我, 每年 5 月收到稅局寄來的綠色信封, 都會準時填好寄出

至於今個年度, 事先已預計自己 5 月不會在香港, 好友提議過我離港前可到灣仔稅務大樓 “清稅”,於是去年年底走上 IRD 網頁一看, “清稅”手續實在非常繁複 (http://www.ird.gov.hk/chi/faq/twl.htm), 當時忙到暈的我實在無法找齊所有文件, 走幾轉到灣仔清稅….就此不了了之 (事實上我是忘掉了)

 

今 個月頭報稅表寄到娘家, 媽咪立刻緊張起來, 即刻打了數次 long-d call 問我怎辦??? 怕我遲了報稅會被追究 (是是是我媽是超級緊張大師); 我心想還有一個月才到期,而且我要有舊公司的 payroll summary 才記得那些數字, 便叫媽咪等齊兩封信, 一次過寄給我填寫

 

好啦, 我的垃圾舊公司堅持一貫公營機構作風 = 沒到最後一刻都不會 action, 等到上星期我仍未收到 payroll 封信, 我媽也不理這麼多, 用 speed post 先寄了 tax return 給我, 其實她還是不明白, 我根本填不到個 return, 因為我完全不記得自己有多少人工, pay leave, gratuity, MPF… 若干, online e-banking 亦查不到半年前的 statement transactions (好廢)

 

最 後終於收到那封 payroll summary, 要細妹幫我 scan 再 email 給我, 現在我也唯有用 registered + express mail 寄回香港家中, 再托家人寄給稅局…因為我剛發現 tax return 回郵地址是 PO Box, 無人會簽收掛號信, 不寄掛號寄失就……我不敢博, 唯有先寄回家

 

 

 

 

(閱讀全文)

除左 “我們這一家” 外, 我已經好耐無睇過 TVB 節目, 前兩日係網上 forum 發現有一節目曰 “謎” 引起各網友 “激烈” 討論, 初頭矇查查既我仲以為係講梗美國電視連續劇 LOST; 後來先發現係秋官 + 王貽興既新節目, 見大家鬧得興高采烈, 八卦之心又起, 於是即刻 source 頭兩集番黎睇睇~~~

 

 
網上惡搞之圖片~

 

  

WOWWOWOWOWOWOW 真係勁好笑呀:

 

1. 唔知點解兩位主持不斷係度做手勢, 佢地對手係 10 秒之內係一定會郁架, 仲好有 “氣勢” 添 hahahahaha 而個 d 轉手腕既動作令我想起 aaron kwok 既 “對你愛~愛~愛不完…..”

 

2. 個紅衣謎女郎只會無端端出現, 轉圈然後再行幾步 catwalk, 又或者交 file —-> 佢係咪扮梗邦女郎呢……..呢個係一個謎

 

3. adam cheng + 貽興王兩位型男 (扮)七情上面, 嚴肅地同我地探討世界上既 mysteries, 仲開埋 adam's file 添, 正 

 

可能係 d documentry 太悶, 所以 TVB 編導先決定派兩個主持出黎攪吓氣氛? 點都好, 真係娛樂性豐富既一個節目呀 

 

 

 

 

 

 

我 d 骨好痛  by JuicyNing

 送給生病中既小士*

 

 

那晚剛好看到 sex and the city season 6重播, 這集名為 the domino effect……

 

 

(閱讀全文)