上星期一難得不用番工, 懷住 hea 既心情跑到pumpernickel 食 lunch (其實已經係 tea time, 皆因我太遲起身), 然後醒起朋友話附近某個座落電器道既神秘商場內有間叫mimosa餅舖, 有難得好味既拿破崙(Strawberry Napoleon) , 於是我搵搵搵搵搵左好耐, 行到北角都係唔見, 最後打電話求救, 先知行錯方向… 大家咪比地址呃左, 實情係位於天后蘋果商場對面 (如果你搭 MTR, 就天后站 A2 出口, 一出就見到維京酒樓, 個度就係)

至於件餅, 真係好好味呀 酥皮勁脆, 另外 Orange Almond Cake 都好正, Gateau Victor 則普通, 下次我會訂個 whole cake of napoleon 同人慶祝生日 ♥♥♥

 

(73414.jpg )

唔知幾時有得扮阿蔡 san 寫下食評呢

(73413.jpg )

生日大晒 !!! 

並賀 心想事成, 身體健康, 百戰百勝, 長做長有, 甜甜蜜蜜, 財源廣進,家財千萬, 青春常駐,要乜有乜, 天下無敵…..

有無人知佢想做乜 ???

祝大家 (包括依位我唔識既小妹妹)

狗年大吉 !

Wyman 早前出的兩本書<<y>> 和 <<俗>> 也有捧場, 這本新書亦與 <<y>>一樣, 輯錄了他在 Milk Magazine 專欄寫時裝潮流的文章. 先不說內容,
只談封面—-> 我有理由相信出版社係傻左, 才會有這樣的一個 Haute Couture (Wyman 原裝形容詞) 封面 真係靚到 我一路摸住個封面一路暗暗發誓, 如果第日我發左達做埋老闆, 要派片比人, 我都要依隻質地做卡片 !!!

至於內容, 我認為有心的, 應比 $98 大元買本黎 日弟. 點解? 你以為係人都諗/ 寫得出依 d 字句—

名字圍身 (Branding is powerful)

壽比南山 (惠比壽+南青山)

仲有, 既然大家成日都唔介意幾萬幾千幾百咁上下掟出黎買件褸買對鞋買件 tee 買條手繩, 咁, 區區 $98 令大家買既時候明白多 d 買得醒 d  窿路多 d , $100 唔駛又何足掛齒呢

註: <<潮騷>>另為日本作家三島由紀夫的作品